Ma senn Coborgar

Ma senn Coborgar, schö is unnar Landla
Von Rottbach bis nab zum Schliefenha.
A Ahsahn hot's und fein is sei Gwandla
Von Häuslas bis naus zu dar Wildfuhrbah.
In Durf und Stadtla drinna
Senn brava Leut zu finna
Und feina Madla, freg na jeden Schulz
Andara Lautar, Itz Hahfluß und Sulz.

Die Langabargar Bauarn, die Itzgründar
Baun Wäsa, Kurn und Howar volla Ähr'n
Und tun mit Frah und Kinnar, Suckel, Rindar
Sich redlich plogen, mesten und ernährn.
Wohr is fei jedas Wörtla,
Die Dürfla, schmucka Örtla,
Von Gartlan märschtens kringslichrüm umgam
Mit Kürschen-, Öpfel-, Birn- und Quackschtarschbam.

Die Kratzlasstrickar tun fest Kratzla stricken
Und machen Standar, Sassel, groß und kla.
Dös halba Neustadt obar dös tut drücken,
Die ana Bäuch, die anarn Arm und Bah.
Die größten Galdvardienar
Dös senn die Porzallinar
Mit ihra Taßla, Tallar, Vasla, Töpf,
Mit ihra weißen und glasierten Köpf.

Su is dös Völkla, fleißig und racht biedar,
Wu hot in unnarn Landla drinn sein Sitz.
Stulz guckt die neugamachte Festung niedar,
Manch Bargla lieblich links und rachts dar Itz.
Üm g'sunda Luft zu schnappen
Braucht ma bloß nauf za tappen,
Und braucht net ärschtar zu veräsen weit:
Frät ölla euch, döß ihr Coborgar seid!