Grüß Godd, ihr Leud und ihr Kinner!

so, a wengala a Geblauder über miich:

Grüß Godd, ihr Leud und ihr Kinner!

Des find ich fei echd doudal doll, dass ihr hier här gfunna hoabd!
Ersdamal a bißla woas über mei Heeimad, des lessd sich ja goarneda
verleugne, dass ich aus Frangn kumm, aussa so am schön`n Sdädla, was Coborch heessd; des lichd an der Grenzn zu Dhüringe, is aber noch in Baieern, gloar. Na, öllerweil, hedd mei Mudder und gloar mei Vadder aa, a riesn Freud kabbd, wo ich dou neunzhunnerdsechsasiebzich des Lichd der Weld erbliggd hou, von dou an gings berchaauf, jedenfoalls für miich. Nei die Schul bin ich ganga, neis Ernes,
des is fei a Gümnasjum. Sechsaneunzich hab ich dou des Abi gmachd und
dann a Lehr bei anner Grangngassn, na wollmer se ma nenna, des woar die
Aollgemeine Ordsgrangnkass, schenne Grüß an den beschdn Ausbildungsleida, der wo aus Schneggelouh
("des hou ich nier gewölld")kümmt. Die Aussbrach von dou is fei ned zu
verwexln mit unnarer! Weider im Dexd: Hoab ich dou an Schodder
verdiend, Himmelherrgodd! Dann hammse mich ölla a wengala geercherd, ne
quadsch, woar hald a wengala öd, und dou bin ich gen wesdn gfoahrn,
genaau, nach Kölln, dou wou ich heud dou so wohn. Des is fei schee
hier! Aber, hülfd ja öllas nix, muss ja aa woas geerberd wern oder
anners gsochd: Bin am sdudiern.
Des bringd hald erschd nachcherd woas ein, aber a Freud had ma drodz
öllam. Noch a größarer Freud wärs mir, wenn du diech nachcherd amoul
nei des Büchla von die Leud neidrächsd.

Gwelle