Willkomma

Es Chirstkindla is grad vobei,
die Gaas liegt noch im Mogn.
Dou tut do Onkl Ferdinand
scho nouch do nächstn frogn.

Do Vatto guckt zum Fansto naus,
ar will die Böllo ziohl.
„Su a Gschtaak un su a Krach“!
Ar schimpft sich`s von do Siol.

Im Kerchngartn schtenn a poor,
tun Notdurft dort vorichtn.
Dou will a Maa sa azääch,
a annoro tut schlichtn.

Da Nachbo, dar khümmt a vobei
mit seinm schön Schäfohund.
„Freund Karl, a schös, a gsunds Neus Johr,
un treibs fei net zu bunt“!

Mit dar Frau geht übar Land
Mastar August Hildabrand.
Im Wirtsgarten mit Gaplaudar
Hocken sa in Öbarlautar.

Weil` s schö duft`t, zum Brotwörschstand
gett dar Mastar Hildabrand.
Endlich kümmt ar an die Reiha:
Zieht ab, hot dar Brotwörscht dreia.

Denn fa sich do braucht ar zwa
und die dritta für die Fra.
Wie ar zu sein` Tisch hie olbart,
is ar jammarlich gastopart.

Und die Bratwörscht fett und frisch
kugeln muntar untarn Tisch.
Drack und Sand a ganza Menga
tut an Worscht und Sammel henga.